Sino
ang Mabuting Pastor na binabanggit sa Juan 10:1-16?
Mababasa natin mula sa ilang
kopya ng “Pasugo”- opisyal na magasin na inilathala ng Iglesia ni Cristo (1914)
na nagsasabi na ang Tagapagtatag ng kanilang Iglesia na si Felix Manalo ay
siyang “Tanging Pastor” na binabanggit sa Juan 10:16. Ganito ang ating mababasa
na nasabing magasin;
“Pasugo”, Mayo 1961 pahina 22.
“Papaano
magiging kawan o Iglesia ni Cristo itong mga tupa ni Jesus na nagmumula sa
Pilipinas, hindi naman naparito si Cristo noong 1914? Ang sabi ni Jesus sa Juan
10:16, “magkakaroon sila ng isang Pastor”. Sino itong
isang Pastor ng Iglesia na lilitaw sa Pilipinas? Ang pinagsabihan ng Dios
“Huwag kang matakot, sapagkat ako’y sumasa iyo (Isaias 43:5). Sino itong pastor
ng Iglesiang lilitaw sa Pilipinas? Ito ay ang Kapatid na Felix Manalo.
Noong sabihin ni Cristo na siya’y mayroon
pang ibang mga tupa na wala sa kulungan at sila’y gagawing isang kawan at
magkakaroon ng isang pastor, noon pa’y mayroon
na siyang karapatan.”
“Pasugo”, August 1976, page 3
“Therefore,
this Scriptural truth is revealed to us: as long as there is a messenger
commissioned by God, Christ could continue establishing His Church. It is
precisely through the instrumentality of that ONE PASTOR, realized
in the person of Brother Felix Manalo, that Christ established His other
sheep into one flock that is the Church
of Christ that emerged in the Philippines in 1914.”
Ang mga talatang nabanggit
sa Juan 10:1-16 ay hindi isang hula o propesiya, kundi isang katotohanan ng
pananampalataya ukol kay Jesucristo. Ipinakikita dito kung paano titipunin ng
Mabuting Pastor ang kanyang mga tupa sa isang kawan at kung paano niya minamahal
at pinangangalagaan ang lahat ng kanyang mga tupa. Kung kaya’t ang mga talatang
nabanggit ay sadyang nakalaan lamang kay Jesucristo bilang Tagapagligtas at
Manunubos nating lahat.
I.Natatanging
Gawain ng Mabuting Pastor na hindi kayang gawin ninuman;
a. Ang
Mabuting Pastor ay nag-alay ng kanyang sariling buhay alang-alang sa
kanyang mga tupa ayon sa Juan 10:11.
Juan 10:11
“Ako
ang mabuting pastor: ibinibigay ng mabuting pastor ang kanyang
buhay dahil sa mga tupa.”
Ang buhay ni Jesucristo lamang
ang bukod tanging pantubos sa tao:
Awit 49:7-8
7 Wala
sa kaniyang makatutubos sa ano pa mang paraan sa kaniyang kapatid.
Ni magbibigay man sa Dios ng pangtubos sa kanya.
8 sapagkat
ang katubusan ng kanilang kaluluwa ay mahal, at ito’y naglilikat
magpakailan man.”
1 Timoteo 2:5-6
5
Sapagkat may isang Diyos at may isang Tagapamagitan sa Dios at sa mga tao, ang
taong si Cristo Jesus,
6 na
ibinigay
ang kaniyang sarili na pangtubos sa lahat; na pagpapatotoong
mahahayag sa sariling kapanahunan.”
Roma 5:8-9
8 Datapuwat ipinagtatagubilin ng Dios ang
kanyang pag-ibig sa atin , na nang tayo’y makasalanan pa, si Cristo
ay namatay dahil sa atin
9
lubha pa nga ngayong inaaring ganap sa pamamagitan ng kanyang dugo, ay
mangaliligtas tayo sa galit ng Dios sa pamamagitan niya.”
Mateo 20:28
Gayon
din naman ang Anak ng tao ay hindi naparito upang paglingkuran, kundi
upang maglingkod, at ibigay ang kaniyang buhay na pantubos sa
marami.”
Ang lahat ng tao ay nagkasala sa Diyos at walang sinumang
karapatdapat sa Kanya (Rom. 3:10-12, 23); at kamatayan ang kabayaran ng
kasalanan (Rom. 6:21). Walang sinumang tao na makapagliligtas sa atin sa
kamatayan (Awit 49:7-8). Bukod tanging si Jesucristo lamang ang maaaring makatutubos
sa atin sa kamatayang dulot ng ating mga kasalanan, sapagkat siya ang ipinadala
ng Diyos bilang ating Tagapagligtas. Kaya bilang Mabuting Pastor ay iniaalay ni
Jesucristo ang kanyang buhay bilang pantubos sa atin at pamamagitan ng kanyang
dugo ay nagkaroon tayo ng kalinisan at katubusan. Kaya ang pag-aalay ng
Mabuting Pastor ng kanyang buhay para sa mga tupa ang tanging-tangi kay
Jesucristo lamang inilaan ng Diyos at wala ng iba pa.
b. Ang
Mabuting Pastol ay nagkakaloob ng masaganang buhay sa kanyang mga tupa ayon
sa Juan 10:10.
Juan 10:10
“Hindi
pumaparito ang magnanakaw; kundi upang magnanakaw, at pumatay, at pumuksa: ako’y
naparito upang sila’y magkaroon ng buhay, ang magkaroon ng kasaganaan nito.”
Si Jesucristo lamang ang buong tanging makapagbibigay
ng masaganag buhay at buhay na walang hanggan sa
kanyang mga tupa.
1Juan 5:11-12
“11
At ito ang patotoo, na tayo’y binigyan
ng Dios ng buhay na walang hanggan, at ang buhay na ito ay nasa
kaniyang Anak.
12
Ang
kinaroroonan ng Anak ay kinaroroonan ng buhay; ang hindi
kinaroroonan ng Anak ng Dios ay hindi kinaroroonan ng buhay.”
Juan 3:15, 36
“15
Upang ang sinumang sumampalataya ay magkaroon sa kaniya ng buhay na walang
hanggan.
36
Ang sumasampalataya sa Anak ay may buhay
na walang hanggan; ngunit ang hindi tumatalima sa Anak ay
hindi makakakita ng buhay, kundi poot ng Dios ay sumasa kaniya.”
Juan 6:40
Sapagkat
ito ang kalooban ng aking Ama, na ang
bawat nakakakita sa Anak, at sa kaniya’y sumasampalataya, ay magkaroon ng
walang hanggang buhay; at akin siyang ibabangon sa huling araw.”
Si Jesucristo bilang Mabuting Pastor ay naparito hindi
lamang upang magkaroon ang mga tupa ng isang masaganang buhay kundi pati na rin
ng buhay na walang hanggan. Siya lamang ang makapagbibigay ng buhay na walang
hanggan sa atin sapagkat iyon ang kalooban ng Diyos. Kaya walang sinumang tao
ang makapagbibigay sa atin ng masaganang buhay at ng buhay na walang hanggan
maliban kay Jesucristo.
II.Ang Hangarin ng Mabuting Pastor sa kanyang Kawan.
Nais ng Mabuting Pastor na
ang lahat ng kanyang mga tupa ay matipon sa iisang kawan lamang sa ilalim ng
pangangalaga ng iisang pastor lamang, ito ang diwa na nakapaloob sa Juan 10:16.
Juan
10:16
“At mayroon akong mga tupa,
na hindi
sa kulungang ito; sila’y kailangan din namang dalhin ko, at
kanilang diringgin ang aking tinig, at sila’y
magiging isang
kawan, at magkakaroon ng isang pastor.”
Pag-aralan
natin ang: Juan 10:16
“…..Sila’y magiging
isang kawan at magkakaroon ng
isang pastor.”
Sino
ang tinutukoy ng salitang “sila” (ay magiging isang kawan)?
Ang salitang “sila’y magiging isang kawan” ay
tumutukoy sa;
a. Mga
tupa na nasa “kulungang ito”, at
b. At
ang mga tupang hindi pa sa “kulungang
ito”.
Juan
11:51-52
51 Ito nga’y sinabi niya na
hindi sa kaniyang sarili: kundi palibhasa ay dakilang saserdote nang taong
yaon, ay hinulaan niya na si Jesus ay dapat mamatay dahil sa bansa, 58
at hindi dahil sa bansa lamang, kundi
upang matipong din naman niya sa isa ang mga anak ng Dios na
nagsipangalat.”
Ayon dito si Jesus ay
mamamatay para sa bayang Israel at maging sa hindi kabilang sa bayang Israel
(Gentil ang tawag sa kanila); upang silang lahat ay matipon bilang isang kawan,
ang mga Israelita kasama na ang mga Gentil (mga anak ng Diyos na nagsipangalat).
a. Sino
ang tinutukoy na mga tupa na nasa kulungang ito?
Ang
mga tupang nasa kulungan ay ang mga Israelita o mga Hudyo: ang bayan ng Diyos, mga
kabilang sa mga binhi ni Abraham.
Mateo
1:21
“At
siya’y manganganak ng isang lalake; at ang pangalang itatawag mo sa kaniya’y JESUS; sapagkat ililigtas niya ang kaniyang
bayan sa kanilang ma kasalanan.”
Mateo 10:5-6
5 Ang labindalawang ito’y
sinugo ni Jesus, at sila’y pinagbilinan na sinasabi, ‘Huwag kayong magsitungo
sa alin mang daan ng mga entil, at huwag kayong magsisipasok sa alinmang bayan
ng mga taga-Samaria; 6 kundi bagkus magsiparoon
kayo sa mga tupang nangawaglit sa bahay ni Israel.”
Mateo 15:24
“Datapuwat siya’y sumagot at
sinabi, ‘Hindi ako sinugo kundi sa mga tupang nangaligaw sa bahay ni
Israel.”
b. Sino
ang tinutukoy na mga tupa na hindi pa sa kulungang ito?
Sila
yaong mga hindi Israelita (o hindi Hudyo); yaong mga hindi kabilang sa mga
binhi ni Abraham, sila ay tinatawag na mga Gentil.
Efeso 3:8
Sa
akin, na ako ang kababababaan sa lahat ng lalong mababa sa mga banal, ay
ibinigay ang biyayang ito, upang ipangaral sa mga Gentil ang mga di
malirip na mga kayamanan ni Cristo.
Roma 9:24-25
“24
Maging sa atin na kaniya namang tinawag, hindi lamang mula sa mga Judio, kundi
naman mula sa mga Gentil?
25
Gaya naman ng sinasabi niya sa aklat ni Oseas, ‘Tatawagin kong aking bayan na hindi
ko dating bayan; At iniibig, na hindi dating iniibig..”
Efeso 2:11-12
“11
Kaya nga alalahanin ninyo, na kayo noong una, mga Gentil sa laman,
tinatawag na Di-pagtutuli niyaong tinatawag na Pagtutuli sa laman, na ginawa ng
mga kamay.
12
Na kayo nang panahon yaon ay mga hiwalay kay Cristo, na mga di kabilang sa
bansa ng Israel, at mga taga ibang mga lupa tungkol sa mga tipan ng pangako, na
walang pag-asa at walang Dios sa sanlibutan.
13
Datapuwat ngayon kay Cristo Jesus kayo na noong panahon ay nalalayo ay inilapit
sa dugo ni Cristo.”
Ang nais ni Jesucristo ay maging IISA LAMANG ang Iglesia
at Siya ang IISANG PASTOL. Ang mga tupa na wala pa sa kulungan at dadalhin sa
loob ng kulungan upang isama sa mga nasa loob upang maging IISANG KAWAN LAMANG.
Isang kawan na binubuo ng mga Judio at mga Gentil.
III.Ano
ang “Kawan” at paano mapapabilang sa “Kawang” ito ni Jesucristo?
1. Ano
ang tinutukoy dito na “kawan” ?
Ang
kawan ay tumutukoy sa Iglesia – na siyang kalipunan ng
mga taong sumasampalataya kay Jesucristo. Ang mga tupa ay tumutukoy sa bawat
isang mananampalataya na nabautismuhan. Ang Obispo ay siyang itinalaga ng Panginoon upang maging Tagapangalaga ng
buong Iglesia.
a.
Gawa
20:28
“Ingatan
ninyo ang inyong sarili, at ang boong kawan, na sa kaniya’y
ginawa kayo ng Espiritu Santo na mga Obispo upang pakanin
ninyo ang iglesia ng Panginoon na binili niya ng kaniyang sariling
dugo.”
b.
Juan
21:15-17
15
Kayat nang mangakapagpawing gutom sila, ay sinabi ni Jesus kay Simon Pedro,
Simon, anak ni Juan, Iniibig mo baga ako ng higit sa mga ito? Sinabi niya sa
kaniya, Oo, Panginoon, nalalaman mo na kita’y iniibig. Sinabi niya sa kaniya, Pakanin
mo ang aking mga kordero.
16.
Sinabi niya sa kaniyang muli sa ikalawa, Simon anak ni Juan, Iniibig mo baga
ako? Sinabi niya sa kaniya, Oo, Panginoon, nalalaman mo na kita’y iniibig .
Sinabi niya sa kaniya, Alagaan mo ang aking mga tupa.
17
Sinabi niya sa kaniya sa ikatlo, Simon anak ni Juan, Iniibig mo baga ako?
Nalumbay si Pedro sapagkat sa kaniya’y sinabing makaitlo, Iniibig mo baga ako?
At sinabi niya sa kaniya, Panginoon, nalalaman mo ang lahat ng mga bagay,
nalalaman mo na kita’y iniibig. Sinabi sa kaniya ni Jesus, Pakanin mo ang aking mga
tupa.”
c.
Mga
Awit 100:3
‘Alamin
ninyo na ang Panginoon ay siyang Dios: Siya ang lumalang sa atin, at tayo’y
kaniya: Tayo’y kaniyang bayan, at mga tupa ng kaniyang pastulan.”
2. Papaano
mapapabilang sa kawan o sa Iglesia ng Panginoon?
Ang
sinumang tao ay nagiging kabilang sa kawan ng Panginoon sa pamamagitan ng
Bautismo, at sa pamamagitan nito ang bawat isa sa atin na na nabautismuhan ay nagiging bahagi ng Iglesia
na siyang katawan ni Jesucristo.
a.
I
Corinto 12:13, 27
“13
Sapagkat sa isang espiritu ay binautismuhan tayong lahat sa isang
katawan, maging tayo’y Judio o Griego, maging mga alipin o mga
laya; at tayong lahat ay pinainom sa isang Espiritu.”
27
Kayo
nga ang katawan ni Cristo, at bawat isa’y samasamang mga
sangkap niya.”
b.
Galacia
3:27-29
27
Sapagkat ang lahat na sa inyo ay binautismuhan kay Cristo ay
ibinihis si Cristo.
28
Walang magiging Judio o Griego man, walang magiging alipin o malaya man, walang
magiging lalake o babae man; sapagkat kayong lahat ay iisa kay Cristo
Jesus.
29 At
kung kayo’y kay Cristo, kayo nga’y binhi ni Abraham, at mga tagapagmana ayon sa
pangako.”
Pagbubuod:
Sang-ayon sa Juan
10:11 “Ako ang mabuting pastor: ibibigay ng mabuting pastor ang kaniyang
buhay dahil sa mga tupa.” Si Jesus bilang Mabuting Pastor ay namatay
bilang pantubos para sa lahat ng mga kasalanan ng kanyang mga tupa. Kaya bang
tubusin ni Felix Manalo sa pamamagitan ng kanyang sariling buhay ang lahat ng
mga kasalanan ng mga tao sa buong mundo?
Sang-ayon sa Juan
10:10 “Hindi pumarito ang magnanakaw, kundi upang magnakaw, at pumatay, at
pumuksa: ako’y naparito upang sila’y magkaroon ng buhay, at
magkaroon ng kasaganaan nito.” Si Jesus ay naparito upang magkaroon ang
mga tupa hindi lamang ng masaganang buhay kundi pati ng buhay na walang hanggan.
Kaya bang pagkalooban ni Felix Manalo ng masaganang buhay at ng buhay na walang
hanggan ang mga tao na nasa Iglesia?
Sang-ayon sa Juan
10:16 “At mayroon akong ibang mga tupa, na hindi sa kulungang ito: sila’y
kailangan din namang dalhin KO, at kanilang diringgin
ang AKING tinig; at sila’y magiging isang kawan, at
magkakaroon ng isang pastor.” Si Jesus ang nag-iisang Mabuting Pastor ng
kanyang nag-iisang kawan lamang. Ang mga tupang wala pa sa loob ng kanyang
kawan ay kanyang tatawagin at dadalhin sa loob ng kanyang kawan upang sa
gayon ay magkakaroon lamang ng iisang kawan at iisang Pastor. Iyan ang
katotohanang malinaw na nakasaad sa Biblia. Ito ay personal kong pagninilay batay sa mga materyales na aking nakalap.@
